Gayuma para sa lahat

Bakit  maraming  tao ang naniniwala sa gayuma kahit pa sa mga panahong ito? Pero totoo kaya itong mahiwagang gayuma?

Sa mga liblib na bayan sa iba't ibang probinsya may mga matatanda pa daw ang gumagawa nito. Sa katunayan ang ilan sa kanila may libro pa na minana sa kanilang ninuno. May orasyon ang gayuma, Pwede ito ipa inom o ipakain sa gustong akitin may pabango din kapag iyong ginamit tyak na makaka kuha ng atensyon ng tao na gustong gusto mo. 

Tulad ng mga sawi sa pag ibig mayroon din sawi sa karera ng buhay gaya ng trabaho at negosyo. Kaya iba iba din daw ang klase ng gayuma depende daw sa sitwasyon. Karamihan ay mga misis na nag loko yung asawa ang gusto mapa balik sa piling nila ang mister at iwan ang kabit. Meron naman si crush o matagal ng iniibig ang gusto makuha at mahalin sya pabalik. Pero pag usapan natin maigi itong gayuma.Hindi ba ito black magic? kung black magic ito ibig ba sabihin masama ito at ginagamit sa masamang pamamaraan?

halimbawa may mga narinig ako na kwento tungkol sa gayuma. True to life daw sabi nya. Ginayuma daw sya ng kanyang mister at napatunayan naman daw nya iyon. Isang beses daw kasi ng maka inom yung kaibigan ng mister nya sa bahay nila di sinasadya nadulas daw iyon at sinabing " Buti natalab pa ang gayuma mo kay misis?" Sa una daw natawa lang sya. Pero ng makausap nya ang kaibigan ng mister nya noong nahimasmasan daw ito ay umamin na totoo daw iyon at tatlo lang sila nakaka alam kung gusto nya daw itanong pa sa isang kaibigan nila. Tinawagan nya yun isa at umamin sabi sana sa atin lang ito at wag mo sabihin sa mister mo tyak magagalit sya. Ginayuma ka nya noong college pa tayo humingi sya ng tulong sa isang albularyo.

Aba! akalain mo??May mga nag papatunay na totoo ito. Kaya ang dami umaasa na baka itong kababalaghang ito ang makakatulong  sa kanila. Kaya naman nagkalat itong mga nag sasabing marunong sila mang gayuma. Ang daming blogs na binasa ko at ang daming tao pala ang sobrang nangangailangan nito? Kaya sa bawat blogs ang daming komento kung paano daw sila matutulungan. Pero isa lang napansin ko sa mga sites na yun. May ilan kasi doon ang nag sasabi na may kakilala daw silang NANAY LYDIA. Tunay daw ito na master of gayuma. Tawagan lang daw sa number na ito (0943) 589 9432, Tapos sabi pa ng ilan ang galing daw ni nanay kasi nag manifest kagad yung kanyang potion. Yung iba taga ibang bansa pa halos lahat ofw ang nagpapatulong sa kanya. Puro magandang komento.

Kaso isa ang napansin ko bakit tila ba pare pareho ang comments ng ibang sites o blogs na ang topic ay gayuma. Iisa lang ba ang gumagawa ng mga comments na yun patungkol kay nanay lydia? Scam lang kaya sya? Marami nagsabi na ang tagal na nilang tumatawag pero di sumasagot. Tapos may isa pang galit na galit dahil grabe daw maningil itong grupo ni Nanay Lydia above 10k tapos may 70k pa at mayroon pa daw naningil na after mag bayad ay blocked agad. Yung isa naman 6 months na daw nya ginamit yung oil at powder ng gayuma na bigay ni nanay pero di naman daw ok. Kaya bumalik sya kaso naman sabi sa kanya bibigyan sya ng pinaka malakas sa lahat sa presyong mas mahal sa nauna nyang binili. Kaya yung babae galit na galit. Kasi sinabi daw ng mang gagayuma na ito na yung unang bigay sa kanya ang pinaka malakas  na tapos ngayon may bago nanaman offer at yon na daw ang pinaka?

Wala akong sapat na basihan upang mag salita ng hindi maganda kay Nanay lydia o sa lahat ng gumagawa ng gayuma. Pero sana kung totoo man ito hindi naman siguro dapat ganito kalaki ang inyong singil. Hingil dito ay hindi ako naniniwala sa gayuma baka sa iba tunay pero sa akin to see is to believe. Nakaka takot din subukan kung ito man ay totoo dahil hindi ito natural na pamamaraan. Mas masarap pa din yung tunay at kusa kesa pinilit at may orasyon.Kung tunay ang gayuma bakit wala ako nababalitaan sa tv sa radio na isang tanyag na gumagawa nito? tiyak na dudumugin sya kahit pa sino at siguradong mayayamang tao ang parokyano nya. Bakit ang mga nag bebenta ng gayuma sa Quiapo ay nag titiis na mag bilad sa araw para ialok yan mga pang gayuma na yan? bakit hindi nila gamitin sa sarili nila para umasenso sila? Bakit yan mga mang huhula na yan ay hindi kaya hulaan ang number sa lotto at ng yumaman? para hindi na sila nag tityaga sa 50 pesos or 100 pesos na bayad per hula? sana kinuha na kayo ng gobyerno o private agencies para magamit sa pag predict ng future.

At sana kung tunay yan lahat tayo masaya walang problema kasi wala ng mag asawang mag hihiwalay, May mga kanya kanya tayong negosyo o kaya mataas na posisyon sa trabaho. Kaya payo ko lang sa mga desperado sa buhay pag ibig at pera. naku naman bago po sumugal  aralin muna kasi masakit madagdagan ng bagong ikakasama ng loob. Lalo kapag nag bayad ka ng malaki at higit sa lahat yung umasa ka pa kahit wala na pala. Diba doble pasakit? Subukan nalang ang mas natural na paraan. Kesa naman sa bandang huli kaw pa ang mapahamak.Mag isip bago tayo mag bitiw ng pera tiyakin na tunay ba ito o hindi.